الأنترنت في الفنادق والشقق المفروشة مالسر . . !

السلام عليكم ورحمة الله وبركاته

انا من فترة كان عندي بعض التفكير البسيط بوجود الأنترنت داخل الشقق المفروشة

كان قبل سنتين بالضبط ماخذين حنا والعائلة بشقق بيرحاء بالرياض كان مافيه انترنت ولاشي

عندهم سلك _دايل آب _ المهم بعد سنة لقيت عندهم دي اس أل استغربت جداً

وانا في راسي وش هالخدمة علشان يرغبون الناس فيهم ولا كيف !!!
وهالأيام كنت رايح للطائف وفي نفس الشقة يوجد DSL استغربت بعد وش اللي يخليهم يحطون أنترنت ماكان يوجد هذا من قبل هل هو حاجة الناس له أو ...ام ... <<< متعوب عليها
المهم الآن انا متواجد في مكة في فندق او قصر على مسماهم

لاحظت ان فيه انترنت زاد تعجبي كل فندق نروح له في انترنت !! اكيد انه مطلب اساسي لدى الناس

لكن بعد ماكلمت حق الأستقبال تبين لي في هالعمارة مافيه النت الا عند الأستقبال تحت

كلمته قلت ليش مايكون في كل دور قام يتكلم قال صعبة 13 دور وحنا في الأساس مانبيه

هنا توقفت وبدت اللقافة تشتغل قلت كيف ماتبغون النت وحاطينه

قال المباحث ملزمينا به علشان اي واحد يستأجر ندخل بيانات المستأجر عند المباحث لو كان علية شي ولهم يجون

قلت اجل مو خدمة للمستأجر لكن الحمد لله صارت زينه للناس يضبطون عمرهم

هذي سالفة النت في شقق الإيجار

تحياتي لكم