السلام عليكم ورحمة الله وبركاتة
بداية مو انا الوحيد ولا الأول ولا الأخير اللي انحجر في السيل بس حبيت اعطيكم قصتي وان حصل معها صور للموقع أحسن يكون
القصة
يوم الخميس التاريخ 1430/4/14هــ صارت معي قصة الأحتجاز
طلعت من البيت على أذان الظهر متجه للشعيب (شعيب حريملاء) المهم معنا عزبتنا النية الغداء دخلنا الشعيب الوجه غار السبعان لقينا في الغار ناس رح لأتجاه أبو ثنيه ندور ظل شمس تحرق ماتقدر تجلس نزلنا عدتنا قلنا نصلي قبل , المهم صلينا وبدينا نجهز الغداء ووننتظر بعض الربع
وفي جلستي اقول لخويي شف السحاب عسى تغطي الشمس
شوي وندور واحد من الربع قال موتري خربان وطلعت من الشعيب بتجااه الديرة اباخذة واشووا كان في طلعتي كان شي ناقص التمر كلمت الرجال يطلع ومعه التمر المهم واحنا راجعين شوي مطر ثم فجأة غباار ثم شوي هوى ثم غبااار ماعااد تشووف الطريق شوي ثم جااء مطر وراح الغبار
الحمد لله دخلنا الشعيب ونمشي واسولف مع خويي شوي ولا أخويانا جايين وش اللي صار قالوا السيل جاء مشينى لمكان مافيه سيل ولا هوب وادي قلنا لهم حلات الجوو وش طلعكم المهم راحو لمكان وصفوه لنا
وانا وخويي رحنا نشوف السيل وبنرجع لهم وامشي واجاري السيل شوي ربعنا ضفوا عفشهم وجوا المطر والهوى ماخلاهم لايقعدون ولا يطبخون ونمشي ونجاري السيل شوي ولا راعي ددسن يعلق جاء راعي شاص وسحبه وخويي تبع فرقة المساعدة
المهم خويي حجرة السيل في مكان قبلي
وانا مشيت ومعي واحد << أشوا
وتحركت مع السيل امشي قدامه وشوي اتفقد جوالي مالقيته صرت ناسية مع السيارة الثانية
واخذ جوال خويي واتصل قال انحجرت في السيل ماعااد اقدر اطلع (معه اربعه)
وامشي ولقيت اخوي وخالي وعيال خالي وامشي معهم ونجاري وتصوير للسيل
شوي قلت خل اطلع قبل مايحتجزني السيل وانا ماشي ولا وادي ثاني سايل بعد قلت خل اطلع من الشعيب لا انحجز وانا ماشي متجه ابطلع ولا السيل سابقني وقوي على الموتر اللي معي (هايلكس)
وديورت وانا اقول لوي منحجز مع اخوياي احسن لي من اكون انا وواحد
وفي مكان ثاني
المهم قمت ابترم كأني مضيع مكان رايح جاي كل مارحت لم جهة ولا السيل جايها ارجع الجبل وراي
مجمل الكلام مكانك وقف ..
الوقت هذا كان الساعة 2 الظهر شوي وتجيك الربوع والشيصان وتقطع واشوف الدعوى صعبة اقطع سيارات دفرنسين ودبل يالله تمشي اجيك بهايلكس وقديم اقطع سيل
وشويات واتلفت على اللي حولي كل مانظرت جهة لقيت احد اعرفه اناظر وراي ولا أخوي منحجر اناظر يمين ولد خالي انا ظر حول الجبل خالي قلت كويس يعني فيه احد تعرفه
ابي انزل من السيارة اشوف السيل واريح من الموتر بس المطر قوووي مرة ماتقدر تنزل قعدت ابترم الين ركد الجو ووقف المطر نزلت انا واخوي وخويه وفرشنا فرشتنا جنب السيل وقعدنا نسولف ....
كل ماقلنا خف السيل جااء مطر وزاد اكثر صلينا العصر حول الساعة خمس تقريباً
واحنا نصلي تو الأمام ساجد كان جنبنا نقعة موية شوي ولاها تحتنا وشلون بنسجد قطعنا الصلاة وابعدنا شوي لم مكان مرتفع علشان نصلي صلينا العصر ومشينا
ناظرت الموتر ولا مكانه متغير (اللي هو موتري)<< انا راكب مع اخوي
رحت للموتر جانا واحد من الشباب وقال وخرت الموتر كان السيل جاي لم جهته (الله يجزاه خير)
قلت له معك موية وصار معه موية وتماام زانت الأوضاع ورحنا نزين قهوة كان حول المغرب ونتكي ولاي جوعان الغداء ولا حصل لي ومالي الا هالتمر اشوا اني مانزلته ومازل السيل قوي لكن الحمد لله الأمطار خفيفة ونجلس ونصلح القهوة والشاهي ونتكي الى الساعة 9 تقريباً
شوي اشوا ولا ربعنا الأولين طلعوا من المكان اللي احتجزوا فيه قبلنا وصرنا في منطقة وحدة هالوقت شوي ومشت السيارات العادية (الهايلكسات) ومشيت معهم وطلعنا واحنا طالعين لفت نظري فرق الدفاع المدني وكشافاته احسب فيه مبارات عند السيل
كشافاته كأنها حقت نادي الشباب
يناضرون ليا احد غارق واحنا داخل ولا دروا عنا الله يخلف
وكل مامشيت لم الديرة توافيني فرق من الدفاع المدني سيارات أول مرة أشوفها غريبه جداً
مجمل الإحتجاز تقريباً سبع ساعات لكنها أحسن مايكون رجال لي سنة ماشفته ولقيته
واجتمنا بكم رجال مبطين عنهم
لكن المشكلة ان جوالي مو معي مانقصني الا اصور لكم بعض الأحداث وان شاء الله احاول اجيب صور من قلب الحدث (من جوال أخوي)
الى هنا انتهى الموضوع طولنا عليكم لكن حاولت اكون دقيق في بعض الأموور واتعمق في تفاصيها
واحسن شي التمر صار غداي هاليوم
كتبه : عبد الله
بداية مو انا الوحيد ولا الأول ولا الأخير اللي انحجر في السيل بس حبيت اعطيكم قصتي وان حصل معها صور للموقع أحسن يكون
القصة
يوم الخميس التاريخ 1430/4/14هــ صارت معي قصة الأحتجاز
طلعت من البيت على أذان الظهر متجه للشعيب (شعيب حريملاء) المهم معنا عزبتنا النية الغداء دخلنا الشعيب الوجه غار السبعان لقينا في الغار ناس رح لأتجاه أبو ثنيه ندور ظل شمس تحرق ماتقدر تجلس نزلنا عدتنا قلنا نصلي قبل , المهم صلينا وبدينا نجهز الغداء ووننتظر بعض الربع
وفي جلستي اقول لخويي شف السحاب عسى تغطي الشمس
شوي وندور واحد من الربع قال موتري خربان وطلعت من الشعيب بتجااه الديرة اباخذة واشووا كان في طلعتي كان شي ناقص التمر كلمت الرجال يطلع ومعه التمر المهم واحنا راجعين شوي مطر ثم فجأة غباار ثم شوي هوى ثم غبااار ماعااد تشووف الطريق شوي ثم جااء مطر وراح الغبار
الحمد لله دخلنا الشعيب ونمشي واسولف مع خويي شوي ولا أخويانا جايين وش اللي صار قالوا السيل جاء مشينى لمكان مافيه سيل ولا هوب وادي قلنا لهم حلات الجوو وش طلعكم المهم راحو لمكان وصفوه لنا
وانا وخويي رحنا نشوف السيل وبنرجع لهم وامشي واجاري السيل شوي ربعنا ضفوا عفشهم وجوا المطر والهوى ماخلاهم لايقعدون ولا يطبخون ونمشي ونجاري السيل شوي ولا راعي ددسن يعلق جاء راعي شاص وسحبه وخويي تبع فرقة المساعدة
المهم خويي حجرة السيل في مكان قبلي وانا مشيت ومعي واحد << أشوا
وتحركت مع السيل امشي قدامه وشوي اتفقد جوالي مالقيته صرت ناسية مع السيارة الثانية
واخذ جوال خويي واتصل قال انحجرت في السيل ماعااد اقدر اطلع (معه اربعه)
وامشي ولقيت اخوي وخالي وعيال خالي وامشي معهم ونجاري وتصوير للسيل
شوي قلت خل اطلع قبل مايحتجزني السيل وانا ماشي ولا وادي ثاني سايل بعد قلت خل اطلع من الشعيب لا انحجز وانا ماشي متجه ابطلع ولا السيل سابقني وقوي على الموتر اللي معي (هايلكس)
وديورت وانا اقول لوي منحجز مع اخوياي احسن لي من اكون انا وواحد
وفي مكان ثاني المهم قمت ابترم كأني مضيع مكان رايح جاي كل مارحت لم جهة ولا السيل جايها ارجع الجبل وراي
مجمل الكلام مكانك وقف ..
الوقت هذا كان الساعة 2 الظهر شوي وتجيك الربوع والشيصان وتقطع واشوف الدعوى صعبة اقطع سيارات دفرنسين ودبل يالله تمشي اجيك بهايلكس وقديم اقطع سيل
وشويات واتلفت على اللي حولي كل مانظرت جهة لقيت احد اعرفه اناظر وراي ولا أخوي منحجر اناظر يمين ولد خالي انا ظر حول الجبل خالي قلت كويس يعني فيه احد تعرفه
ابي انزل من السيارة اشوف السيل واريح من الموتر بس المطر قوووي مرة ماتقدر تنزل قعدت ابترم الين ركد الجو ووقف المطر نزلت انا واخوي وخويه وفرشنا فرشتنا جنب السيل وقعدنا نسولف ....
كل ماقلنا خف السيل جااء مطر وزاد اكثر صلينا العصر حول الساعة خمس تقريباً
واحنا نصلي تو الأمام ساجد كان جنبنا نقعة موية شوي ولاها تحتنا وشلون بنسجد قطعنا الصلاة وابعدنا شوي لم مكان مرتفع علشان نصلي صلينا العصر ومشينا
ناظرت الموتر ولا مكانه متغير (اللي هو موتري)<< انا راكب مع اخوي
رحت للموتر جانا واحد من الشباب وقال وخرت الموتر كان السيل جاي لم جهته (الله يجزاه خير)
قلت له معك موية وصار معه موية وتماام زانت الأوضاع ورحنا نزين قهوة كان حول المغرب ونتكي ولاي جوعان الغداء ولا حصل لي ومالي الا هالتمر اشوا اني مانزلته
ومازل السيل قوي لكن الحمد لله الأمطار خفيفة ونجلس ونصلح القهوة والشاهي ونتكي الى الساعة 9 تقريباًشوي اشوا ولا ربعنا الأولين طلعوا من المكان اللي احتجزوا فيه قبلنا وصرنا في منطقة وحدة هالوقت شوي ومشت السيارات العادية (الهايلكسات) ومشيت معهم وطلعنا واحنا طالعين لفت نظري فرق الدفاع المدني وكشافاته احسب فيه مبارات عند السيل
كشافاته كأنها حقت نادي الشباب يناضرون ليا احد غارق واحنا داخل ولا دروا عنا الله يخلف
وكل مامشيت لم الديرة توافيني فرق من الدفاع المدني سيارات أول مرة أشوفها غريبه جداً
مجمل الإحتجاز تقريباً سبع ساعات لكنها أحسن مايكون
رجال لي سنة ماشفته ولقيته واجتمنا بكم رجال مبطين عنهم
لكن المشكلة ان جوالي مو معي مانقصني الا اصور لكم بعض الأحداث وان شاء الله احاول اجيب صور من قلب الحدث (من جوال أخوي)
الى هنا انتهى الموضوع طولنا عليكم لكن حاولت اكون دقيق في بعض الأموور واتعمق في تفاصيها
واحسن شي التمر صار غداي هاليوم
كتبه : عبد الله
