كــل شـيء إرتـفـــع سـعــــره في هـالـبــلـــد إلا .. الإنـــســــــــان !!

الســلام عليكم ... بــإختصــار

قبل 30 سنة فقط كان الريال يجيب لك 16 خبزة من الحجم الوسط .. الآن بريال واحد تشتري لك خبزة تميس واحدة

وكانت غـرشـة الكـولا ( إذا تذكرونها ) بربع ريال ..

وتشتري أطلق قطعة أرض في الملز ( يعتبر حي جديد وراقي وقتها بـ 5000 ) ريال

والوانيت ( العراوي ) كان بـ 8000 ريال والكريسيدا أول ما طلعت بـ 22 ألف بس

وكان الكثير من السلع رخيص القيمة

والمعيشة كانت راهية .. والرواتب تغطي الشهر والشهور الثلاثة اللي وراه .. واللي يبي سلف لا يرده إلا لسانه

المهم .. في موضوعنا هذا إن دية الإنسان ( التسعيرة الرسمية ) كانت 110 آلاف ريال

طبعا أكيد حسبوها بقيمة الإبل في وقتها ( تعادل 100 من الإبل )

ولكن ... حاليــا .. في زمن وصل فيه سعر المتر في الثمامة إلى 600 ريال

والكورولا وصلت 82 ألف والحاشي وصل سعره 2500 ريال وأكثر

وبعض الـنـــوق ضــرب سعــرها 15 مليون

نعــود ونســأل :

كم هو سعر الإنسان حسب التسعيرة الرسمية حاليا في كشوف حماية المستهلك ؟

السعر هو نفسه .. 110 آلاف ريال عربي سعودي بالتمام والكمال

شكــرا لأنكـم قـدرتــوا تـثـبـتــوا على الأقل هـذه التسعيرة وما يلحقها الغــلا مثل غيرها

طوال أربعة عقود تضاعفت أسعار كل المنتجات .. إلا منتج الإنسان نفسه !!!

حتى ( الشغالة ) إرتفــع سعـرهـا .. كانت تجي بألفين ريال .. الحين بــ 12 ألف وتزيد أحـيانا

الـديــة في الشـرع الإسـلامي :

( ديـة الحر المسلم مائة من الإبل، أومائتان من البقر، أوألفان من الغنم، أوألف مثقال -المثقال من الذهب يعني ألف دينار- أواثنى عشر ألف درهم )

لن أخوض في تفاصيل سعر البقر أوالغنم أو كم وصلت قيمة المثقال من الذهب .. سأتكلم عن الإبــل فقط

السؤال .. كم يسوى البعير الآن ؟ على الأقل 3000 ريال

يعني المفروض إن الدية لا تقل عن 300 ألف ريال على أقل تقدير ( ما يبي لها حسبة وتعقيدات )

على فـكـــرة ..

بـكــم الـعـــراوي الـحـيــــن ؟

فـعـــلا .. كل شيء زاد سعـــره في هــالـبـــلـــد

إلا .. الإنــســــــــــــــان ........

عـجـبــا لـك أيـهــا الإنـســان ... رفـعــت سـعـــر كــل شـيء .. إلا ........ ســعــرك أنـــت

منقووول

http://al-hora.net/showthread.php?t=175018